கதையும் கவிதையும் எழுத்தில் வனைந்த இன்னும் சிலதும்
ஆரோக்கியமில்லாத ஆரோக்கியசாமி பார்வைக்குறைவுள்ள கண்ணாயிரம் அவலட்சணமான அழகரசி அசட்டுத்தனமான மதியழகன் சின்னவயசில் செத்துப்போன சிரஞ்சீவி பாவாடை என்றபெயரில் ஆம்பிள படிக்காதவன் பேரு அறிவானந்தம் சோகத்திலேயே வாழும் ஆனந்தன் முரட்டுமனிதன் அன்பு பெரியமனிதர் சின்னத்தம்பி ஊமைப்பெண் தேன்மொழி பெயர்களில் இத்தனை முரண்பாடுகள் முரணில்லா முகவரி தேடி முரணுடன் நானும்... பெயரில் என்ன இருக்கிறது எதேதோ இருப்பதாய் பெயரியல் நிபுணர்கள் தெருவுக்கு நாலுபேர்... அண்ணா, பெரியார் என்பதுபோலப் பெயர்களே இல்லாத பெயர்களும் பேசப்படுகின்றன பேசப்படாத பெயர்கள் பெயர்களாயிருந்தென்ன... அடையாளங்கள் சிலசமயம் பெயர்களாவதுண்டு கோடிவீட்டு வாத்தியார் மாடிவீட்டு சேட்டு என்பதுபோல மூக்கன், கறுப்பன் பெயர்களா அடையாளங்களா?
தனிப்பதிவு | மதிப்பிடுக: - தமிழ்மணம் | * |
Post a Comment
கர்ப்பம் சுமக்கும்
கருப்பை
கருமை நிறம்
- பெண்ணின் நிறம் எதுவானாலும்..
பிறக்கும் பிஞ்சுகள்
குடிக்கும் தாய்ப்பால்
வெள்ளை நிறம்
- தாயின் நிறம் எதுவானாலும்..
ஆகாயமும் ஆழ்கடலும்
எவரது பார்வைக்கும்
நீல நிறம்
- கண்ணின் நிறம் எதுவானாலும்..
காமாலைக் கண்ணனுக்கு
காண்பதெல்லாம்
மஞ்சள் நிறம்
- அவன் சாதி எதுவானாலும்..
பேருந்து விபத்தில் அடிபட்டுச் சிதறிய
அறுபதுபேரின் ரத்தமும்
சிவப்பு நிறம்
- தோலின் நிறம் எதுவானாலும்..
மரித்த மனிதன் சடலம் சிதைந்த
மண்ணில் முளைத்த புற்கள்
பச்சை நிறம்
- அவன் மதம் எதுவானாலும்..
மாறாது வாசம்
முகரும் பொழுதில்
நுகரும் இன்பம்
- ரோஜா நிறம் எதுவானாலும்..